Qashqadaryoda bosqinchilik bilan shug‘ullanib kelgan jinoiy guruh a’zolari qo‘lga olindi
Ular niqob taqqan holda Qarshi tumanidagi uylardan biriga kirib, xonadon egalariga tan jarohati yetkazgan va tilla taqinchoqlarni olib ketgan.

Foto: Videodan kadr
Qashqadaryo viloyatida bosqinchilik sodir etgan jinoiy guruh a’zolari qo‘lga olinib, ularning avval sodir etilgan boshqa bir jinoyatga aloqadorligi aniqlandi. Bu haqda IIV matbuot xizmati xabar berdi.
Qayd etilishicha, Qarshi tumani Alisher Navoiy mahallasida xonadonlarning biriga soat 04:00 larda niqob kiygan uch nafar shaxs devor orqali kirgan. Ular xonadon egasi, uning turmush o‘rtog‘i va o‘g‘liga tan jarohati yetkazgan.
Jinoiy guruh ulardan pul talab qilib, uydagi shkafda bo‘lgan tilla taqinchoqlarni olib chiqib ketgan.
«Eshik ochilganini sezdim. Parda qimirlab, fonar yorug‘ini ko‘rganimdan keyin uyg‘ondim. Eshikka yurib borganimda, ichkariga niqob kiygan bir kishi bostirib kirdi va og‘zimni berkitdi», — deydi jabrlanuvchi ayol.
Holat yuzasidan Jinoyat kodeksining 164-moddasi (bosqinchilik) bilan jinoyat ishi qo‘zg‘atilgan. Olib borilgan tezkor harakatlar natijasida gumonlanuvchilar davlat raqamisiz Nexia-2 mashinasida hodisa joyida harakatlangani ma’lum bo‘lgan.
Gumonlanuvchilar shaxsiga aniqlik kiritilib, ulardan biri qo‘lga olingan. Shuningdek, bosqinchilik jinoyatini sodir etishda jabrlanuvchi to‘g‘risida ma’lumot bergan shaxs ham ushlangan. O‘rganishlar davomida ushbu guruh 2024 yil 26 noyabr kuni Qarshi tumanida sodir etilgan yana bir bosqinchilik jinoyatiga ham aloqador ekani ma’lum bo‘lgan.
Jinoyatda ishtirok etgan, Qarshi shahrida yashovchi 40 yoshli fuqaro ham qo‘lga olingan.
Tavsiya etamiz
Putin Rossiya Odessaga da’vo qilmasligi shartini aytgan – «Kommersant»
Jahon | 22:26 / 19.03.2025
Qozog‘istonda amaldorlar qamoqxonalarga ekskursiyaga olib borilmoqda
Jahon | 18:16 / 19.03.2025
Tramp: «Ukrainaga bosim o‘tkazishga majbur bo‘lgandik»
Jahon | 20:53 / 18.03.2025
Temu O‘zbekistonda yuridik shaxs sifatida ro‘yxatdan o‘tdi
O‘zbekiston | 20:25 / 18.03.2025
So‘nggi yangiliklar
-
O‘zbekiston va AQSh Afg‘oniston muammosi bo‘yicha muloqotni davom ettirishga kelishib oldi
O‘zbekiston | 12:59
-
Rossiya Telegram-kanallari: Ukraina qurolli kuchlari "Sudja" stansiyasiga hujum qildi
Jahon | 12:58
-
Vengriya o‘zbekistonlik migrantlar uchun viza berish tartibini soddalashtirishi mumkin
O‘zbekiston | 12:42
-
Mer: Odessa va oblastga dronlar hujum qildi
Jahon | 12:41
Mavzuga oid

16:41 / 14.03.2025
Qarshi shahri hududi qariyb 2 barobar kengayadi

20:21 / 12.03.2025
Qashqadaryoda 103 tup daraxt noqonuniy kesildi

05:29 / 11.03.2025
Qashqadaryodagi zapravkada ikkita sisterna yonib ketdi. Jarohat olganlar bor

18:58 / 03.03.2025