BYD elektromobillarni 5 daqiqada quvvatlash imkonini beradigan yangi tizimni taqdim etdi

Xitoyning BYD kompaniyasi 1 000 voltli arxitekturaga ega yangilangan elektromobil platformasini ishga tushirdi, deb xabar beradi Reuters.

Qayd etilishicha, bu elektromobillarni an’anaviy avtomobillarga benzin quyish jarayoni kabi tezlikda quvvatlash imkonini beradi.

BYD asoschisi Van Chuanfuning so‘zlariga ko‘ra, yangi platformadagi avtomobillar 1 000 kilovattgacha quvvatda quvvatlanadi va atigi besh daqiqalik quvvatlashdan so‘ng 400 kilometr masofani bosib o‘ta oladi.

Uning aytishicha, 1 000 voltli arxitektura asosida ishlab chiqariladigan ilk elektromobillar Han L sedan va Qin L yo‘ltanlamasi bo‘ladi.

Avtomobilsozlik kompaniyasi, shuningdek, Xitoyda 4 mingdan ortiq ultratez quvvatlash stansiyalarini qurishni rejalashtirmoqda, biroq loyihani amalga oshirish muddati va investitsiya hajmini hozircha ochiqlamagan.