«O‘ztemiryo‘lyo‘lovchi» tanqid ortidan poyezdlarda sanitariya nazorati kuchaytirilishini e’lon qildi

«O‘ztemiryo‘lyo‘lovchi» AJ poyezd vagonlarida ko‘rpachalarning kirligi, suvaraklar yurgani va havo almashtirish tizimi yaxshi ishlamasligi haqidagi shikoyatlardan keyin sanitariya-gigiyena nazorati kuchaytirilganini e’lon qildi.

«O‘ztemiryo‘lyo‘lovchi» AJ muntazam ravishda sanitariya-epidemiologiya nazoratini amalga oshirayotgan bo‘lsa-da, so‘nggi kunlarda mavjud vaziyatni inobatga olib, sanitariya-epidemiologiya normalariga rioya etilishiga alohida e’tibor qaratilmoqda... «O‘ztemiryo‘lyo‘lovchi» AJ bunday holatlarning oldini olish uchun zarur choralarni ko‘rishni davom ettiradi va bu borada harakatlarni kuchaytiradi», deyiladi xabarda.

Avvalroq, yo‘lovchilar «O‘zbekiston temir yo‘llari» poyezdi vagonlarining ahvoli rasvo ekani, ko‘rpachalar kir bo‘lib ketgani va suvaraklar yurganidan shikoyat qilgan edi.

«Poyezdda havo almashish tizimi yaxshi ishlamaydi, havosi ifloslanib ketgan, hojatxonada zamonavoy «biotualet» o‘rnatilgan, lekin u ham texnik tarafdan muammo chiqarib, ishlamay qoldi», degan edi yo‘lovchilardan biri.