Britaniyada depressiyaga chalingan odamlarga futbolga borish tavsiya etildi

Buyuk Britaniyada depressiyadan aziyat chekayotgan odamlarga futbol o‘yinlariga borishni tavsiya etildi. Bu haqda The Independent xabar berdi.

Leyboristlar parlamenti a’zosi Saymon Ofer va Ecotricity energetika kompaniyasi egasi Deyl Vins tomonidan ishlab chiqilgan tashabbus Glostershirdagi klinikalar bemorlariga V divizion vakili bo‘lgan «Forest Green Rovers» klubi o‘yinlariga borish imkoniyatini beradi. Vins ushbu klubga 2010 yildan beri egalik qiladi.

Ofer, sobiq umumiy amaliyot shifokori, yengil yoki o‘rtacha depressiyaga chalingan odamlar uchun antidepressantlarga muqobil sifatida bunday ko‘rsatmalarni qo‘llab-quvvatladi.

«Jamiyatimizning eng katta muammolaridan biri - bu ijtimoiy yakkalanish. Qovoqxonalar unchalik mashhur emas, biz jamoat joylariga kamroq boryapmiz, katta oila bilan yashamaymiz, bu sog‘liq uchun juda zararli. <...> Futbol - bu muloqot va o‘z jamoasini qo‘llab-quvvatlash, ishtiyoq, kundalik hayotdan biroz chalg‘ib, boshqa hissiyotlarni boshdan kechirish imkoniyati», dedi Ofer

Tashabbus butun mavsum davomida amal qiladi va jamoaning 16 avgust kuni «Yoevil Town»ga qarshi uydagi birinchi o‘yinidan boshlanadi. Chiptalar klub tomonidan bepul taqdim etiladi.