Korrupsiya mojarolari sababli Abu-Dabiga ko‘chib ketgan Ispaniya faxriy qiroli Portugaliyaga ketmoqchi

Katalon matbuotining yozishicha, faxriy qirol Xuan Karlos I narxi 4,5 million yevrolik qarorgohni tanlagan.

Foto: Getty images

Korrupsiya mojarolari va soliq muammolari bois Ispaniyani tark etib besh yildan buyon Abu-Dabida yashayotgan faxriy qirol Xuan Karlos I Portugaliyaga ko‘chib o‘tishga tayyorgarlik ko‘rmoqda.

Kataloniyaning El Nacional gazetasi o‘z manbalariga tayanib xabar berishicha, Xuan Karlos I Eshtoril va Kashkayshdagi hashamatli qarorgohlarni ko‘zdan kechirgan. U Ikkinchi ispan respublikasi e’lon qilinganidan so‘ng qochqinlikdagi yoshlik davrini aynan Eshtorilda o‘tkazgan.

Xabarlarga ko‘ra, u narxi 4,5 million yevroga teng qarorgohni tanlagan.

Qarorgoh Xuan Karlos I ning hozirgi holatiga mos ravishda qayta jihozlanmoqda.

Ispaniyaning hozirgi qiroli Filipp VI ning otasi bo‘lmish Xuan Karlos I soni va tizzalarida bir nechta operatsiyani o‘tkazgan.

#Ispaniya #Abu-Dabi #Xuan Karlos I

Kun.uz yangiliklarini Google News'da kuzating

+ Obuna bo'lish