Qoʻshimcha funksionallar
-
Tungi ko‘rinish
Jizzaxda ikki tup archani ildizi bilan sug‘urib olgan shaxsga qariyb 16 mln so‘m jarima solindi
Jizzax viloyati Ekologiya, atrof-muhitni muhofaza qilish va iqlim o‘zgarishi boshqarmasi xodimlari tomonidan o‘tkazilgan navbatdagi reyd davomida huquqbuzarlik holati aniqlandi.
Foto: Ekologiya, atrof-muhitni muhofaza qilish va iqlim o‘zgarishi boshqarmasi
Reyd davomida Samarqand viloyati Urgut tumanida yashovchi fuqaro Y.J. Jizzax suv ombori hududida ikkita archa daraxtini ildizi bilan sug‘urib olgani ma’lum bo‘ldi.
Bu harakat “O‘simlik dunyosini muhofaza qilish va undan foydalanish to‘g‘risida”gi qonun talablarini buzish hisoblanadi. Huquqbuzarga nisbatan Ma’muriy javobgarlik to‘g‘risidagi kodeksning 79-moddasiga asosan bayonnoma tuzildi.
Unga bazaviy hisoblash miqdorining 25 baravari miqdorida (9,3 million so‘m) jarima belgilandi, shuningdek, tabiatga 7,5 mln so‘m zarar yetkazilgani ma’lum bo‘ldi. Ikkala to‘lov ham davlat hisobiga to‘liq undirildi.
Mavzuga oid
19:09 / 28.02.2026
Jizzaxda dehqon xo‘jaligi yerini 950 mln so‘mga sotmoqchi bo‘lgan shaxs ushlandi
12:15 / 26.02.2026
Jizzaxda «Yangi Jizzax» shaharchasi barpo etiladi
08:25 / 26.02.2026
Jizzaxda ta’lim tizimi rahbari pora bilan qo‘lga tushdi
19:53 / 23.02.2026