Shvetsiyalik Dyuplantis langarcho‘p bilan sakrashda jahon rekordini yangiladi

Shvetsiyalik sportchi Arman Dyuplantis langarcho‘p bilan sakrashda jahon rekordini yana bir marta yangiladi.

Bu safar Tokioda bo‘lib o‘tgan yengil atletika bo‘yicha jahon chempionatida u 6 m 30 sm balandlikka sakradi. Natijada uchinchi marta jahon chempioni bo‘ldi.

Aytish joizki, 25 yoshli Dyuplantis bir oydan sal ko‘proq vaqt oldin o‘rnatgan o‘z rekordini 1 sm ga yangiladi.

Dyuplantis ilk bor 2020 yil fevralida langarcho‘pda sakrash bo‘yicha jahon rekordini o‘rnatgan, o‘tgan vaqt mobaynida o‘z rekordini uch bor yangilagan. U Tokio va Parijda o‘tgan oxirgi Olimpiadalarda chempion bo‘lgan, shuningdek, uch karra jahon chempioni hamda uch karra Yevropa chempioni sanaladi.