“Qat’iy maqsadimiz - O‘zbekiston buyurtmasini vaqtida yetkazib berish” - Boeing prezidenti

Mirziyoyev AQShda dunyoga mashhur global kompaniya Boeing prezidenti bilan ko‘risharkan, bu galgi muloqot tarixiy xaridlardan keyin bo‘ldi. O‘zbekiston birdaniga 22 ta samolyotga buyurtma bergan, buni esa AQSh prezidenti Tramp ham olqishladi. Boeing rahbariga ko‘ra, O‘zbekiston bilan muloqot faqat uchoqlar savdosida emas, aerokosmik sanoatda ham.

Sizni Nyu Yorkda ko‘rganimdan xursandman. Boeing’dek katta kompaniyaning prezidentisiz, Mirziyoyev bilan ko‘rishdingiz. Nimalarni gaplashdingiz? 

“AQSh va O‘zbekiston o‘rtasidagi ajoyib munosabatlar. Kelajak uchun rejalashtirilgan bu ishlar o‘zbek xalqining turmush farovonligini yuksaltiradi. Shu bilan birga, bu, nafaqat turizm, balki aerokosmik sohadir. Bu soha “Uzbekistan Airways”ga o‘zbekistonliklarni, ishbilarmonlarni dunyoga olib chiqish va dunyoni O‘zbekistonga olib kirish imkonini beradi. Biz nafaqat “Uzbekistan Airways” bilan ishlaymiz, balki O‘zbekistonda aerokosmik sanoatni yanada rivojlantirishni qo‘llab-quvvatlashga harakat qilyapmiz. 

Shuningdek, prezidentni yangi xalqaro aeroport qurish bo‘yicha ulkan tashabbuslari bilan tabriklayman. Bu, albatta, yaqin kelajakda O‘zbekiston uchun ichki yo‘lovchilar sonini 25 millionga yetkazish maqsadiga erishishga yordam beradi. Prezidentning xalqaro yo‘nalishlarni rivojlantirishga bo‘lgan qat’iyati esa sayyohlarga O‘zbekistonga va O‘zbekiston orqali sayohat qilish imkonini beradi. Shu yilning 17 fevralida imzolangan kelishuv natijasida O‘zbekiston hamkorlikda o‘ziga ishongan mamlakat sifatida aerokosmik soha va o‘z aviakompaniyasining kelajagiga bo‘lgan ishonchni mustahkamlayapti. Biz esa bu jarayonning muhim bir qismimiz”.

Kompaniyangizning bozordagi o‘rni mustahkam ekanini bilamiz. Yaqin kelajakdagi rejalar qanday?

“Xo‘sh, maqsadimiz – aytgan barcha ishlarimizni bajarishni ta’minlash va biz buni, albatta, qilamiz. Shunday ekan, bizning qat’iy maqsadimiz – eng xavfsiz va yuqori sifatli 787 samolyotlarini o‘z vaqtida yetkazib berishdir. 

Yangi buyurtma 14 ta 787 samolyotini yetkazib berish va yana sakkiztasini opsiya tarzda xarid qilishni o‘z ichiga oladi, jami 22 ta samolyot. “Uzbekistan Airways” aviakompaniyasi allaqachon oltita 787 samolyotidan g‘urur bilan va juda samarali foydalanmoqda, shunday qilib, aviaparkdagi bunday samolyotlar soni 28 taga yetadi.

Biz samolyotlarimiz bilan faxrlanamiz. O‘zbekiston bilan hamkorlikdan, shuningdek, hozirda yetakchi sinfdagi aviakompaniyaga aylanib 

borayotgan va kelajakda shunday bo‘lishi shubhasiz bo‘lgan tuzilmani qo‘llab-quvvatlaymiz”. 

So‘zi oxirida Nelson buyurtmalar o‘z vaqtida yetkazilishini bildirdi.