Sirdaryoda elektr qarmoqda baliq ovlaganlar tabiatga 512 mln so‘mlik zarar yetkazdi

Huquqbuzarlik natijasida “Ov qilish va ovchilik xo‘jaligi to‘g‘risida”gi, “Hayvonot dunyosini muhofaza qilish va undan foydalanish” to‘g‘risidagi hamda “Tabiatni muhofaza qilish to‘g‘risida”gi qonunlar buzilgan.

Foto: Ekologiya vazirligi

Ekologiya vazirligining xabar qilishicha, o‘tkazilgan reyd tadbiri davomida uch nafar fuqaro Sirdaryo tumani hududidan o‘qib o‘tuvchi «Sho‘razak» zovuridan elektr qarmoq yordamida 7 turdagi 38 dona baliqni noqonuniy ovlagani aniqlangan.

Huquqbuzarlar baliqlarni mashinada olib chiqib ketishayotganida to‘xtatib qolingan.

Noqonuniy ovlangan baliqlar, elektr qarmoq, rezina qayiq, “setkali tutqich” va akkumulyator vaqtinchalik olib qo‘yilgan, transport vositasi jarima maydoniga joylashtirilgan.

Xabarda aytilishicha, huquqbuzarlik natijasida “Ov qilish va ovchilik xo‘jaligi to‘g‘risida”gi, “Hayvonot dunyosini muhofaza qilish va undan foydalanish” to‘g‘risidagi hamda “Tabiatni muhofaza qilish to‘g‘risida”gi qonunlar buzilgan. Tabiatga 521 million 180 ming miqdorida zarar yetkazilgan.

To‘plangan hujjatlar Bosh prokuraturaga yuborilgan.

Tayyorlagan: Kun.uz Admin

#tabiat #baliq #ekologiya