Farg‘onada sifatsiz dori va tibbiy buyumlar savdosining oldi olindi

Bosh prokuratura huzuridagi Departamentning Qo‘qon shahar bo‘limi va DXX xodimlari hamkorligida tezkor tadbir o‘tkazildi.

Tezkor tadbir davomida qonunga xilof ravishda dori vositalari bilan shug‘ullanib kelgan M.A. “A.Ikromov” va “Saodat” MFY hududidagi xonadonlarda xorijda ishlab chiqarilgan, sifatini tasdiqlovchi hujjatlari bo‘lmagan 11 turdagi 2 411 quti dori vositalari hamda tibbiy buyumlarni sotish maqsadida saqlab kelganligi aniqlanib, ushbu vositalar ashyoviy dalil sifatida olingan.

Xabar qilinishicha, ularning umumiy bahosi 163,6 mln so‘mni tashkil etadi.

Mazkur holat yuzasidan jinoyat ishi qo‘zg‘atilib, tergov harakatlari o‘tkazilmoqda.