Andijonda zargarlik buyumlarini ichki a’zolariga yashirib olib kirmoqchi bo‘lgan ayollar qo‘lga tushdi

Andijon aeroportida tilla taqinchoqlarni ichki a’zolariga yashirib olib kirmoqchi bo‘lgan uch ayol qo‘lga tushdi, deb xabar berdi viloyat bojxona boshqarmasi axborot xizmati.

Xabarga ko‘ra, Andijon aeroportida “Istanbul–Andijon” yo‘nalishi bilan uchib kelgan bir guruh yo‘lovchilar bojxona xodimlarida shubha uyg‘otgan.

Belgilangan tartibda shaxsiy ko‘rik o‘tkazilganida, uch nafar ayol tomonidan umumiy miqdori 225,3 gr bo‘lgan tayyor zargarlik buyumlarini ichki a’zolariga yashirilgan xolda olib o‘tishga urinishlari fosh etilgan.

Mazkur holat yuzasidan belgilangan tartibda protsessual hujjatlar rasmiylashtirildi. Dastlabki baholashga ko‘ra, ushlab qolingan taqinchoqlarning qiymati 200 million so‘mni tashkil etadi. Taqinchoqlar vaqtincha saqlovga olingan.