Toshkentda Markaziy Osiyo tashqi ishlar vazirlari yig‘ilishi bo‘lib o‘tdi

O‘zbekiston tashqi ishlar vaziri Baxtiyor Saidov Ozarboyjon, Qozog‘iston, Qirg‘iziston, Tojikiston, Turkmaniston va O‘zbekiston tashqi siyosat idoralari rahbarlari yig‘ilishida ishtirok etdi.

"Markaziy Osiyo davlatlari rahbarlarining yettinchi Maslahat uchrashuviga tayyorgarlik doirasida Ozarbayjon, Qozog‘iston, Qirg‘iziston, Tojikiston va Turkmanistonlik hamkasblarim bilan samarali yig‘ilish o‘tkazdik. Hamkorlikni mustahkamlash va mintaqamizning umumiy farovonligini yanada oshirish uchun keng ko‘lamli imkoniyatlarni ko‘rib chiqdik, - deb yozdi O‘zbekiston TIV rahbari o‘z Telegram-kanalida.

Vazirning bildirishicha, muhokamalar bir qator muhim masalalarga, jumladan, sammit kun tartibi loyihasi, asosiy qarorlar va Markaziy Osiyoda hamkorlikning kelajakdagi yo‘nalishini belgilaydigan yakuniy hujjatlar ro‘yxatiga qaratildi.