«Navoiy» chegara postida 380 ta «sa’va» qushini noqonuniy olib kirishga urinish fosh etildi

So‘nggi 24 soat ichida «Navoiy» chegara bojxona posti orqali «sa’va» qushlarini noqonuniy olib kirishga qaratilgan ikki urinish aniqlandi. Jami 410 ta qush mutaxassislar nazoratida vaqtincha saqlovga olingan.

Foto: Bojxona qo‘mitasi

«Navoiy» chegara bojxona postida bir kunda «sa’va» qushlarini noqonuniy olib kirishga bo‘lgan 2 ta urinish aniqlangan.

Natijada, barchasi bo‘lib 410 ta shu turdagi qush hozirda mutaxassislar nazorati ostida vaqtincha saqlovga olingan. Holat yuzasidan bojxona tekshiruvlari davom ettirilmoqda.

Mutaxassislarning ta’kidlashicha, qushlar tez orada tabiat qo‘yniga qo‘yib yuboriladi.

24 noyabrdan Samarqandda dunyoning 185 davlatidan kelgan vakillar ishtirokida yovvoyi fauna va flora turlarining yo‘qolib ketish xavfi ostida turgan turlari xalqaro savdosini tartibga soluvchi CITES konvensiyasi Tomonlar konferensiyasining 20-yig‘ilishi bo‘lib o‘tmoqda.