Sirdaryo viloyati hokimiga yangi o‘rinbosar tayinlandi

Otabek Mavlonberdiyev Bekzod Ismatov o‘rniga Sirdaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari bo‘ldi.

Foto: Sirdaryo viloyati hokimligi

Otabek To‘rabekovich Mavlonberdiyev Sirdaryo viloyati hokimining o‘rinbosari lavozimiga tayinlandi, deya xabar bermoqda hokimlik matbuot xizmati.

U hokimning yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari bo‘ldi.

Otabek Mavlonberdiyev ushbu tayinlovga qadar Prezident huzuridagi Davlat xizmatini rivojlantirish agentligining Sirdaryo viloyati filiali rahbari lavozimida faoliyat olib borgan.

Sirdaryo viloyati hokimining yoshlar siyosati bo‘yicha o‘rinbosari lavozimida 2023 yil avgustidan buyon Bekzod Ismatov ishlab kelayotgandi.