Andijon va Samarqandda kuchli ta’sir qiluvchi dorilar savdosi bilan shug‘ullangan shaxslar ushlandi

Bosh prokuratura huzuridagi Departamentning Andijon shahri bo‘limi hamda boshqa huquqni muhofaza qiluvchi organ xodimlari hamkorligida “Xavfsiz va sog‘lom yurt” keng qamrovli tezkor-profilaktik tadbirlar doirasida o‘tkazilgan tezkor tadbirda fuqarolar Sh.U., D.K. va S.M. tarkibida kuchli ta’sir qiluvchi moddalari mavjud bo‘lgan 1 dona “Tropikamid” va 5 dona “Regapen” nomli dori vositalarini sotgan vaqtida ushlangan.

Ulardan 11 dona “Tropikamid”, 45 dona “Regapen” nomli dori vositalari, shuningdek D.K.ning yonidan 1,85 gramm “gashish” giyohvandlik moddasi topilib, ashyoviy dalil sifatida olingan.

Departamentning Samarqand viloyati boshqarmasi hamda boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda fuqaro G.I. fuqaro M.A.ga 32 dona “Torgobalin 150 mg.” nomli kuchli ta’sir qiluvchi dori vositasini sotgan vaqtida ushlanib, undan 40 dona “Geye baralgin” dori vositasi ashyoviy dalil sifatida olingan.

Mazkur holatlar yuzasidan Jinoyat kodeksining 251-1-moddasi hamda 276-moddasi bilan jinoyat ishlari qo‘zg‘atilib, tergovga tegishliligi bo‘yicha yuborilgan.