O‘zbekistonda 100 yoshdan oshgan pensionerlar soni ma’lum qilindi

100 yoshdan oshgan pensionerlar soni bo‘yicha Qashqadaryo, Surxondaryo, Toshkent va Farg‘ona viloyatlari yetakchi.

Pensiya jamg‘armasiga ko‘ra, 2025 yil 1 dekabr holatiga, nafaqa olayotgan 100 yosh va undan oshgan fuqarolar soni 461 nafarni tashkil etmoqda.

Ulardan 131 nafari (28,5%) — erkaklar, 330 nafari (71,5%) — ayollardir.

Hududlar kesimida 100 yoshdan oshgan eng ko‘p pensionerlar soni Qashqadaryo (73 nafar), Surxondaryo (69 nafar), Toshkent va Farg‘ona viloyatlari (41 nafardan), eng kam pensionerlar esa Qoraqalpog‘iston Respublikasi (17 nafar), Sirdaryo (13 nafar) va Navoiy (11 nafar) viloyatlariga to‘g‘ri keladi.