Sergeli tumanida avtobus haydovchisi ikki avtobus orasida qolib ketib hayotdan ko‘z yumdi

Sergeli tumanida avtobus haydovchisi baxtsiz hodisa oqibatida vafot etdi. Bu haqda «Toshshahartransxizmat» AJ axborot xizmati xabar qildi.

Xabarga ko‘ra, 20 dekabr kuni soat 16:56 larda “1-avtobus saroyi” filiali tasarrufida bo‘lgan “YuTONG” rusumli avtobus haydovchisi I.A Sergeli tumanidagi temir yo‘l kesishmasida poyezd o‘tayotganligi sababli avtobusni to‘xtatib turgan.

Shu vaqtda uning orqasida to‘xtab turgan “12-avtobus saroyi” filialiga tegishli yana bir “YuTONG” rusumli avtobus haydovchisi E.R boshqaruvidagi transportni qo‘l tormoziga qo‘ymasdan pastga tushib avtobus oldiga o‘tgan.

Avtobus o‘z inersiyasi bilan yurib ketib E.R.ni qisib qo‘yishi natijasida haydovchi voqea joyida vafot etgan.

“Toshshahartransxizmat” AJ marhumning oila a’zolari va yaqinlariga ta’ziya bildirgan