Shavkat Mirziyoyevning Rossiyaga amaliy tashrifi yakunlandi

Davlat rahbari «Pulkovo» xalqaro aeroportidan Toshkentga jo‘nab ketdi. Oliy martabali mehmonni Sankt-Peterburg shahri gubernatori Aleksandr Beglov va boshqa rasmiy shaxslar kuzatib qo‘ydi.

Prezident Shavkat Mirziyoyevning Sankt-Peterburg shahriga amaliy tashrifi doirasidagi tadbirlar 22 dekabr kuni yakunlandi.

21 dekabr kuni O‘zbekiston yetakchisi Oliy Yevroosiyo iqtisodiy kengashining navbatdagi yig‘ilishida nutq so‘zladi.

Davlat rahbariga, shuningdek, Qirg‘iziston va Tojikiston prezidentlariga Lev Tolstoy nomidagi Xalqaro tinchlik mukofotini topshirish marosimi bo‘lib o‘tdi.

Bugun Mirziyoyev MDH davlatlari rahbarlarining norasmiy sammitida ishtirok etdi va «Ermitaj» davlat muzeyi bilan tanishdi.

Davlat rahbari amaliy tashrifini yakunlab, «Pulkovo» xalqaro aeroportidan Toshkentga jo‘nab ketdi. Oliy martabali mehmonni Sankt-Peterburg shahri gubernatori Aleksandr Beglov va boshqa rasmiy shaxslar kuzatib qo‘ydi.

Tayyorlagan: Сардор Юсупов

#Rossiya #Sankt-Peterburg #Shavkat Mirziyoyev