Endi hokim o‘rinbosari bir vaqtning o‘zida obodonlashtirish boshqarmasiga ham rahbarlik qiladi

2026 yil 1 yanvardan tuman (shahar)lar hokimlarining qurilish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosarlari bir vaqtning o‘zida tuman (shahar)lar obodonlashtirish boshqarmalari boshlig‘i hisoblanadi. Bu “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qo‘shimcha chora-tadbirlar to‘g‘risida”gi prezident qarorida belgilandi.

Hujjatda ko‘rsatilishicha, 2026 yil 1 apreldan shahar obodonlashtirish boshqarmalariga biriktirilgan hududlarga ular tomonidan yetishtirilgan mavsumiy gul ko‘chatlari ekilishi choralari ko‘riladi.

Bunda mazkur tartib 2027 yildan respublikaning barcha hududlaridagi obodonlashtirish boshqarmalarida joriy etiladi.