Qoʻshimcha funksionallar
-
Tungi ko‘rinish
FIFA JCh-2026 chiptalariga talab rekord darajaga yetganini e’lon qildi
Tashkilot rahbari Janni Infantino ta’kidlaganidek, har kuni o‘rtacha 10 millionga yaqin chipta so‘rovi ro‘yxatga olingan, bu jahon futbol musobaqalari uchun mutlaq rekorddir.
Foto: Getty images
Xalqaro futbol federatsiyasi (FIFA) AQSh, Kanada va Meksikada bo‘lib o‘tadigan 2026 yilgi futbol bo‘yicha jahon chempionati chiptalariga muxlislarning misli ko‘rilmagan qiziqishini qayd etdi. Bu haqda FIFA prezidenti Janni Infantino xalqaro sport forumida so‘zlagan nutqida ma’lum qildi, deb xabar berdi Reuters.
Infantino so‘zlariga ko‘ra, FIFA chiptalarni oldindan sotishga tayyorgarlikning dastlabki 15 kunida butun dunyodan ularni sotib olish uchun 150 millionga yaqin ariza olgan. Tashkilot rahbari ta’kidlaganidek, har kuni o‘rtacha 10 millionga yaqin so‘rov ro‘yxatga olingan, bu jahon futbol musobaqalari uchun mutlaq rekorddir.
«Biz olti-yetti million chiptani sotuvga qo‘ydik va atigi 15 kun ichida 150 millionga yaqin so‘rov oldik. Bu jahon chempionati qanchalik kuchli va global voqea bo‘lib qolayotganini ko‘rsatadi», dedi Infantino.
Shuningdek, uning aniqlik kiritishicha, eng ariza AQSh, Germaniya va Buyuk Britaniyadan kelib tushgan. Shu bilan birga, o‘nlab mamlakatlar, jumladan, ilgari chiptalarga bunday ommaviy talabni namoyish etmagan mintaqa muxlislari ham turnirga qiziqish bildirmoqda.
2026 yilgi jahon chempionati turnir tarixidagi eng yirik musobaqa bo‘ladi. Final bosqichida ilk bor 48 ta milliy jamoa, jumladan O‘zbekiston ham ishtirok etadi. O‘yinlar soni 104 taga yetkazilgan. O‘yinlar bir vaqtning o‘zida uchta mamlakatda - AQSh, Kanada va Meksikada bo‘lib o‘tadi, bu ham tarixiy hodisadir.
FIFA turnirning kengaytirilgan formati yangi tomoshabinlarni jalb qilish va musobaqaning tijoriy ta’sirini kuchaytirishi kutilmoqda. Infantino so‘zlariga ko‘ra, dastlabki arizalar bosqichidayoq chiptalarga bo‘lgan rekord darajadagi qiziqish JCh-2026 davomat va global qamrov bo‘yicha yangi rekordlarni o‘rnatishi mumkinligini tasdiqlaydi.
Tashkilotchilarning ta’kidlashicha, chiptalarni sotish jarayoni bir necha bosqichda amalga oshiriladi va katta talab tufayli arizalarning katta qismi qondirilmaydi. Ishqibozlarga chayqovchilar va firibgarlarning qurboniga aylanib qolmaslik uchun FIFA rasmiy e’lonlarini kuzatib borish tavsiya etildi.
