Yangihayot tumanida avtomobil yonib ketdi

Toshkent shahar Yangihayot tumanida Mirzo Tursunzoda ko‘chasida avtomobilda yong‘in sodir bo‘ldi. Hodisa joyiga qutqaruv texnikalari tezkor yetib borib, yong‘in bir daqiqa ichida o‘chirildi, jabrlanganlar yo‘q.

Foto: FVB

4 yanvar kuni soat 22:05 da Toshkent shahar Yangihayot tumani, Mirzo Tursunzoda ko‘chasida avtomobil yonayotganligi to‘g‘risida Toshkent shahar FVBBga xabar tushgan.

Xabarga muvofiq, qutqaruv texnikalari ko‘rsatilgan manzilga soat 22:13 da yetib borgan va yong‘in soat 22:14 da bartaraf etilgan.

Yong‘in oqibatida jarohatlanganlar yo‘q.