Rustam Tursunov ham qamoqqa olingani ma’lum bo‘ldi

Kun.uz manbasiga ko‘ra, Jazoni ijro etish departamenti sobiq boshlig‘i Rustam Tursunov ham tergovda va ehtiyot chorasi sifatida qamoqqa olingan.

Rustam Tursunov / Foto: IIV

O‘zbekiston ichki ishlar vazirligi huzuridagi Jazoni ijro etish departamenti sobiq boshlig‘i Rustam Rahmonovich Tursunovga nisbatan ham tergov ishlari boshlangan va u ehtiyot chorasi sifatida qamoqqa olingan.

Kun.uz manbasiga ko‘ra, u ham xuddi ichki ishlar vazirining sobiq o‘rinbosari Bekmurod Abdullayev bilan bitta ish doirasida tergovga jalb qilingan.

Hozircha rasmiy idoralar ushbu sobiq mansabdorlarga qarshi ochilgan jinoyat ishi haqida rasmiy ma’lumot bermadi.

Rustam Tursunov 2017–2018 yillarda Jizzax viloyati IIB boshlig‘i, 2018 yildan Navoiy viloyati IIB boshlig‘i sifatida faoliyat yuritgan. 2021 yil fevral oyidan Jazoni ijro etish departamenti boshlig‘i sifatida ish boshlagan, 2025 yil noyabr oyi boshida, Bekmurod Abdullayev bilan bir kunda prezident farmoyishi bilan lavozimidan ozod etilgandi.