Jamiyat | 20:51 / 25.01.2026
2555
1 daqiqa o‘qiladi

Zangiotada nosoz filtrdan foydalanayotgan issiqxonalarga chora ko‘rildi

Maxsus komissiya tomonidan Toshkent viloyati Zangiota tumani «Istiqlol», «Bodomzor» MFYlarda joylashgan issiqxonalarda ekologik reyd o‘tkazildi.

Foto: Ekologiya vazirligi

O‘rganish davomida «Istiqlol» MFY hududida joylashgan fuqaro B.Z.ga tegishli hamda «Bodomzor» MFY hududida joylashgan fuqaro X.Uga tegishli issiqxonalarning filtrlari nosoz ekanligi aniqlandi.

Har ikki holat yuzasidan Ma’muriy javobgarlik to‘g‘risidagi kodeksning tegishli moddasi bilan ma’muriy bayonnoma rasmiylashtirildi.

Reyd tadbirlari davom ettirilmoqda.

Avvalroq Zangiota tumanida 14 ta issiqxona faoliyati o‘rganilgan va filtri nosoz issiqxonalar aniqlangandi.

Дилшодбек Асқаров
Tayyorlagan Дилшодбек Асқаров
Kun.uz yangiliklarini Google News'da kuzating
+ Obuna bo'lish

Mavzuga oid