Shavkat Mirziyoyev Suma Chakrabartini qabul qildi

Uchrashuvda maslahatchining “O‘zbekiston – 2030” strategiyasida belgilangan vazifalar ijrosini qo‘llab-quvvatlashga qaratilgan faoliyatining asosiy yo‘nalishlari muhokama qilindi.

Xususan, xotin-qizlarning iqtisodiy imkoniyatlarini kengaytirish, umumta’lim muassasalari salohiyatini oshirish, shuningdek, investorlar bilan strategik kommunikatsiyani rivojlantirish masalalariga alohida e’tibor qaratildi.

Shuningdek, iqtisodiy islohotlar, davlat boshqaruvi va ta’lim sohalarida ilg‘or xalqaro tajriba hamda strategik rejalashtirish amaliyotini izchil joriy etish muhimligi ta’kidlandi.

Uchrashuvda xalqaro maydonda O‘zbekistonning investitsiya salohiyatini targ‘ib qilish ishlarini yanada kengaytirish masalasiga ham to‘xtalib o‘tildi.