O‘zbekistonlik yosh shaxmatchilar maktab jamoalari o‘rtasida o‘tkazilgan jahon chempionati Osiyo bosqichida g‘olib bo‘ldi

Endi o‘zbekistonlik yosh shaxmatchilar shu yilning dekabr oyida bo‘lib o‘tadigan Grand-finalda Afrika, Amerika va Yevropa qit’asi vakillari bilan bahs olib borishadi.

Qozog‘istonning Olmaota shahrida maktab jamoalari o‘rtasidagi shaxmat bo‘yicha World Schools Team Championship 2026 (WSTC 2026) jahon chempionati Osiyo bosqichi yakuniga yetdi.

Unda O‘zbekistonning "Wisdom school" maktabi jamoaviy hisobda birinchi o‘rinni egalladi va oltin medallarga sazovor bo‘ldi.

Kumush medal “Kurchatov School” (Rossiya) jamoasiga, bronza medal esa “Velammal MHs school” (Hindiston) jamoasiga nasib etdi.

Endi o‘zbekistonlik yosh shaxmatchilar shu yilning dekabr oyida bo‘lib o‘tadigan Grand-finalda Afrika, Amerika va Yevropa qit’asi vakillari bilan bahs olib borishadi.