Qoʻshimcha funksionallar
-
Tungi ko‘rinish
O‘zbekistonda o‘ziga kredit rasmiylashtirilishini taqiqlaganlar soni 2,2 milliondan oshdi
2025 yil iyundan O‘zbekistonning har bir fuqarosi besh daqiqa ichida bank va mikromoliya tashkilotlariga o‘z nomiga kredit berishini taqiqlash imkoniga ega bo‘ldi. 2026 yilning 1 aprel holatiga mazkur xizmatdan foydalanayotganlar soni 2 mln 207 ming 753 nafarga yetgan. Oxirgi 3 oyda bu ko‘rsatkich 5 barobarga oshdi.
Foto: Kun.uz
2026 yilning 1 aprel holatiga O‘zbekistonda “Kreditga taqiq” xizmatiga ulangan jismoniy shaxslar 2 mln 207 ming 753 nafarni tashkil etdi, deya xabar berdi Kredit-axborot tahliliy markazi (KATM) matbuot xizmati.
Qayd etilishicha, xizmat foydalanuvchilarining 1 mln 283 ming 506 nafari erkaklar (58 foiz), 924 ming 247 nafari esa ayollar (42 foiz)dan iborat.
Yosh toifalari kesimida eng katta ulush 26−35 yoshdagilar hissasiga to‘g‘ri keladi — 674 ming 617 nafar (31 foiz). Shuningdek, 26 yoshgacha bo‘lganlar 536 ming 860 nafar (24 foiz), 36−45 yoshdagilar 528 ming 866 nafar (24 foiz), 46−55 yoshdagilar 275 ming 201 nafar (12 foiz) va 56 yoshdan yuqori fuqarolar 192 ming 209 nafarni (9 foiz) tashkil etgan.
E’tiborga molik jihati, “Kreditga taqiq” xizmatidan foydalanuvchilar soni joriy yilning dastlabki 3 oyida 5 barobarga oshgan.
Eslatib o‘tamiz, fevral oyining boshida hukumatning elektron tizimlariga uyushtirilgan kiberhujum natijasida o‘zbekistonliklarning shaxsiga oid ma’lumotlar darknetda tarqab ketgandi.
Mavzuga oid
20:57 / 03.04.2026
Qarzini uzolmasdan bankrot bo‘layotgan firmalarga oyoqqa turib olishida yordam beriladi
18:10 / 28.03.2026
Fuqarolarga o‘z nomiga kredit rasmiylashtirilgani haqida xabar beruvchi xizmat yo‘lga qo‘yildi
20:23 / 21.03.2026
An’anaviy va islomiy bank: ularning farqi nimada?
14:11 / 20.03.2026