Poytaxt aholisi va mehmonlari ogohlantirildi

Ma’lum qilinishicha, ob-havo sharoitining yomonlashuvi sababli simlar uzilishi, daraxtlar qulashi mumkin.

Toshkent shahar hokimligi poytaxt aholisi va mehmonlariga ogohlantirish bilan chiqdi.

“Bugun Toshkentda shamol va kuchli yog‘ingarchilik kuzatilmoqda. Ob-havo sharoitining yomonlashuvi sababli simlar uzilishi, daraxtlar qulashi mumkin”, deyiladi ogohlantirishda.

Hokimlik fuqarolardan avtomobillarni daraxtlar va elektr uzatish liniyalari ostida qoldirmaslik, shahar bo‘ylab harakatlanishda ehtiyotkor bo‘lishni so‘ragan.

Favqulodda vaziyatlar uchun quyidagi telefon raqamlari ko‘rsatilgan: 112, 1055, (71) 212-69-80, (71) 212-69-82.