Piskentda daryo o‘rtasida qolib ketgan fuqaro qutqarildi

23 may soat 10:20 da Toshkent viloyati Pskent tumani hududidan oqib o‘tgan Ohangaron daryosi o‘rtasidagi quruqlikda bir nafar fuqaro qolib ketganligi va yordam zarurligi to‘g‘risida Olmaliq shahar FVBga xabar kelib tushgan.

Ma’lum bo‘lishicha, daryoda suv sathi kutilmaganda ko‘tarilgan va suv oqimi yuqoriligi sababli fuqaro xavfsiz qirg‘oqqa chiqa olmagan.

Aytilgan manzilga zudlik bilan FVV qutqaruvchilari yetib borib, fuqaroni xavfsiz hududga olib chiqishgan.