Xitoyda ilk marta odamga cho‘chqaning ikkita buyragi va jigari muvaffaqiyatli ko‘chirib o‘tkazildi

Xitoyda tadqiqotchilar miya o‘limi tashxisi qo‘yilgan erkakka cho‘chqa buyragi va jigarini ko‘chirib o‘tkazdi. Bu tarixda birinchi marta odamga bir vaqtning o‘zida cho‘chqaning bir nechta a’zolarini ko‘chirib o‘tkazishdir, deb xabar berdi South China Morning Post.

Guansi tibbiyot universitetiga qarashli shifoxona olimlari guruhi o‘z tadqiqotlarida yaqin vaqtgacha cho‘chqaning alohida a’zolari odamga ko‘chirib o‘tkazish amalga oshirilganini, biroq inson organizmi bir vaqtning o‘zida bir nechta transplantatga qanday javob berishi noma’lumligini yozdi.

Miya o‘limi tashxisi qo‘yilgan 53 yoshli erkakka cho‘chqaning ikkita buyragi va jigari ko‘chirib o‘tkazildi. A’zolar besh kunlik kuzatuv davrida ishladi, shundan so‘ng erkakning qarindoshlari iltimosiga ko‘ra tadqiqot to‘xtatildi.

Tadqiqot cho‘chqadan insonga butun jigar va ikkala buyrakni ko‘chirib o‘tkazish mumkinligini ko‘rsatdi. Natijalar kelajakda klinik qo‘llash uchun foydali bo‘lishi mumkin, deb yozadi olimlar.

2024 yil mart oyida AQShda birinchi marta odamga gen-modifikatsiyalangan cho‘chqa buyragi muvaffaqiyatli ko‘chirib o‘tkazildi. Bemor 62 yoshli erkak bo‘lib, unga buyrak kasalligining terminal bosqichi tashxisi qo‘yilgan. U shu yilning may oyida vafot etdi.

Oktabr oyida genetik jihatdan o‘zgartirilgan cho‘chqadan buyrak ko‘chirib o‘tkazilgan to‘rtinchi bemor vafot etdi. Erkak cho‘chqa buyragi transplantatsiyasi bilan rekord darajadagi 271 kun yashadi. A’zo 2025 yil yanvar oyida ko‘chirib o‘tkazilgan, biroq oktabr oyida funksiya pasayishi sababli olib tashlangan va bemor dializga o‘tkazilgan edi.