Tramp Yevropa Ittifoqi ta’sirida Ukraina bo‘yicha pozitsiyasini o‘zgargartirdi - OAV

Yevropa davlatlari rahbarlarining ta’siri tufayli AQSh prezidenti Donald Trampning Ukraina bo‘yicha pozitsiyasi Kiyevni qo‘llab-quvvatlash tomoniga o‘zgardi. Endi amerikalik siyosatchining bu boradagi fikrlari Alyaskadagi sammitdan keyingi fikrlaridan farq qiladi, deb yozdi Bloomberg G7 rasmiylariga tayanib.

Suhbatdoshlarning so‘zlariga ko‘ra, Fransiyadagi sammitda yig‘ilgan G7 yetakchilari Yevropa va Qo‘shma Shtatlarning Rossiya-Ukraina mojarosidagi kuchlar joylashuvi bo‘yicha pozitsiyalari yaqinlashayotganini tushuna boshlagan.

Agentlikning yozishicha, 2025 yil yozida Rossiya prezidenti Vladimir Putin bilan Alyaskada bo‘lib o‘tgan uchrashuvdan beri Tramp Ukrainaning «ko‘zirlari» qolmaganiga va u hududiy yon bosishi kerakligiga ishonch hosil qilgan. Shunga qaramay, AQSh prezidenti G7 maydonida so‘zga chiqib, Rossiyani Kiyev bilan kelishuv tuzishga chaqirdi.

«Men sakkizta urushni hal qildim. Buni [Ukrainadagi urushni] hal qilish oson deb o‘ylagandim. Ha, men qo‘limdan kelganini qilaman», dedi Tramp.

Avvalroq AFP agentligi G7 davlatlari Ukrainadagi mojaroni to‘xtatish uchun energetika sohasida Rossiyaga bosimni kuchaytirishga kelishib olgani haqida yozgan edi. Nashr suhbatdoshining so‘zlariga ko‘ra, rasmiylar o‘z maqsadlariga Rossiya gazi va neftiga qarshi sanksiyalar orqali erishmoqchi.