Nokia sun’iy intellektga ega tugmali telefonlarni taqdim etdi

Yangi telefonlarning asosiy xususiyati o‘rnatilgan sun’iy intellekt yordamchisi bo‘lib, unga kirish klaviaturadagi alohida tugma orqali amalga oshiriladi.

Sun’iy intellekt yordamchisi oddiy ovozli buyruqlarni bajara oladi: chiroqni yoqish, kamerani ochish, signal va eslatmalarni o‘rnatish, qo‘ng‘iroq qilish hamda oddiy savollarga javob berish. HMD’ning ta’kidlashicha, xizmatdan dastlabki 180 kun davomida bepul foydalanish mumkin, shundan so‘ng, pullik obuna talab etiladi.

To‘rtta model ham 4G tarmoqlarini qo‘llab-quvvatlaydi, USB Type-C portiga ega va S30+ operatsion tizimi bilan ishlaydi. Shuningdek, foydalanuvchilar video qo‘ng‘iroqlar va ovozli xabarlar uchun Xpress Chat xizmatidan foydalanishi mumkin, uzoq vaqt davomida avtonom ishlash va an’anaviy tugmali telefon funksiyalari, shu jumladan FM-radio (Nokia 200 4G bundan mustasno).

Kichik Nokia 200 4G va Nokia 210 4G modellari 2,4 dyuymli ekranga ega bo‘lsa, Nokia 215 4G (2nd Edition) va Nokia 235 4G (2nd Edition) kattaroq 2,8 dyuymli displeyga ega. Qurilmalar kameralar bilan ham farqlanadi: modelga qarab VGA yoki 2 megapikselli modullar mavjud.

Tugmali telefonlarda sun’iy intellektning paydo bo‘lishi HMD kompaniyasining so‘nggi paytlardagi eng g‘ayrioddiy yechimlaridan biri bo‘ldi. Kompaniya yangi funksiyalar oddiy mobil qurilmalarni to‘laqonli smartfonga muhtoj bo‘lmagan, ammo zamonaviy raqamli imkoniyatlarga ehtiyoj sezadigan foydalanuvchilar uchun yanada qulayroq qiladi, deb hisoblaydi.