Shavkat Mirziyoyev va Aleksandr Lukashenko norasmiy uchrashuv o‘tkazdi

Ikki mamlakat ishbilarmon doiralari ishtirokidagi Hududlararo forum yakunlari yuqori baholandi.

Foto: Prezident matbuot xizmati

Prezident Shavkat Mirziyoyev Belarusga rasmiy tashrifi doirasida 8 iyul kuni Minsk shahrida mamlakat prezidenti Aleksandr Lukashenko bilan norasmiy uchrashuv o‘tkazdi.

Belarus yetakchisi mehmonni samimiy qutlab, tashrif uchun minnatdorlik bildirdi. Prezidentlar bo‘lajak muzokaralar kun tartibi yuzasidan fikr almashdilar.

Tashrif arafasida bo‘lib o‘tgan tadbirlar, shu jumladan, ikki mamlakat ishbilarmon doiralari ishtirokidagi Hududlararo forum yakunlari yuqori baholandi.