Bug‘doydan bo‘shagan yerlarni yoqib yuborgan 172 kishiga 212,5 mln so‘m jarima solindi

Bug‘doydan bo‘shagan yerlarni yoqish bilan bog‘liq huquqbuzarliklar aerokosmik ma’lumotlardan foydalangan holda aniqlanmoqda.

Foto: Ekologiya va iqlim o‘zgarishi milliy qo‘mitasi

Ekopolitsiyaning hududiy organlari tomonidan o‘tkazilgan nazorat tadbirlari va «O‘zbekkosmos» agentligi tomonidan kosmik suratlarni qayta ishlash va tahlil qilish orqali 744 ta bug‘doydan bo‘shagan yer maydonlarida yonish holatlari bo‘yicha 172 nafar huquqbuzarga 212,5 mln so‘m miqdorida ma’muriy jarimalar qo‘llanildi.

Shuningdek, 652,3 mln so‘m tabiatga yetkazilgan zarar hisoblangan.

Bundan tashqari, dala va aholi punktlarida ang‘iz, xazon va shox-shabbalarni yoki o‘simliklarning boshqa qoldiqlarini yoqib yuborish, shuningdek, qurilish chiqindilarini yoqish bilan bog‘liq holatlarning oldini olish bo‘yicha olib borilgan nazorat tadbirlari davomida bugungi kun holatiga 9 821 ta huquqbuzarlik holati aniqlanib, bayonnomalar rasmiylashtirilgan.