Jazirama kunlarda elektr ta’minoti barqarorligini ta’minlash bo‘yicha tayyorgarlik ishlari yanada kuchaytirildi

Shuningdek, havo haroratining ko‘tarilishi elektr uzatish liniyalari va transformatorlarning ish samaradorligiga ham salbiy ta’sir ko‘rsatadi.

“Hududiy elektr tarmoqlari” AJ tomonidan elektr energiyasi ta’minoti barqarorligini ta’minlash, avariyaviy holatlarni tezkor bartaraf etish hamda iste’molchilarga sifatli xizmat ko‘rsatish bo‘yicha tizimli chora-tadbirlar amalga oshirilmoqda. Xususan, yoz mavsumini betalafot o‘tkazish va yuzaga kelishi mumkin bo‘lgan nosozliklarni qisqa muddatlarda bartaraf etish maqsadida tunu kun uzluksiz faoliyat ko‘rsatadigan tezkor brigadalar shay holatga keltirilgan.

Xususan, respublika bo‘yicha yuzaga kelishi mumkin bo‘lgan avariyaviy holatlarni tezkor bartaraf etish maqsadida 6 ming 500 dan ortiq xodimdan iborat 1 ming 203 ta tunu kun faoliyat yuritadigan avariyaviy brigadalar navbatchiligi tashkil etildi, har bir brigadaga maxsus avto va texnikalar biriktirildi.

Shu bilan bir qatorda, yoz mavsumini betalafot o‘tkazish, turli nosozliklar yuzaga kelgan taqdirda ularni zudlik bilan bartaraf etish maqsadida zarur jihoz va materiallar zaxirasi yaratildi.

Yoz mavsumini betalafot o‘tkazish, elektr energiyasi iste’moli keskin ortishi kuzatiladigan kunlarda iste’molchilarni uzluksiz elektr energiyasi bilan ta’minlash, energetika obektlarida 24 soatlik ish rejimini ta’minlash, avariya-ta’mirlash brigadalarining shayligini yanada oshirish hamda rejali ta’mirlash ishlarini jadallashtirish bugungi kunning ustuvor vazifalaridan hisoblanadi.

Shu o‘rinda iste’molchilardan elektr energiyasiga ortiqcha ehtiyoj sababli kelib chiqqan talabni kamaytirish maqsadida elektr energiyasidan oqilona foydalanishlarini so‘rab qolgan bo‘lar edik.

Zarur holatlarda murojaatlarni 1154 qisqa raqamiga yuborishingiz mumkinligini eslatib o‘tamiz.

“Hududiy elektr tarmoqlari” AJ Matbuot xizmati