Octobank 2026 yilning birinchi yarim yilligini moliyaviy o‘sish, yangi imkoniyatlar va xalqaro e’tiroflar bilan yakunladi

Reklama va rekord darajadagi moliyaviy ko‘rsatkichlar

2026 yilning birinchi yarim yilligi yakunlariga ko‘ra, Octobank’ning asosiy moliyaviy ko‘rsatkichlarida sezilarli o‘sish qayd etildi. Xususan, bank aktivlari 16,52 trillion so‘mni tashkil etib, o‘tgan yilning mos davriga nisbatan 231,93 foizga o‘sdi. Majburiyatlar hajmi esa 4,05 trillion so‘mdan 15,32 trillion so‘mga yetib, 278,26 foizga oshdi. Bankning xususiy kapitali 1,20 trillion so‘mni, shu jumladan ustav kapitali 500 milliard so‘mni tashkil etdi.

Kredit portfeli hajmi ham sezilarli kengayib, 392,8 milliard so‘mdan 609,4 milliard so‘mga yetdi va 55,15 foizlik o‘sishni ko‘rsatdi. Joriy yilning birinchi yarim yilligida bankning sof foydasi 170,6 milliard so‘mni, sof foiz daromadi esa 224,6 milliard so‘mni tashkil etdi. Shu bilan birga, bankning mijozlar bazasi 3,66 million kishidan oshdi va xodimlar soni 379 nafardan 471 nafargacha ko‘paydi.

Mijozlar uchun yangi mahsulotlar va xalqaro pul o‘tkazmalari

Hisobot davrida Octobank mijozlar ehtiyojlaridan kelib chiqib, xizmatlar ko‘lamini kengaytirdi. Biznes vakillari uchun investitsiya maqsadlari, aylanma mablag‘larni to‘ldirish va transport vositalarini xarid qilishga mo‘ljallangan «Octo-Invest», «Octo-Oborot» va «Octo-Avto» kredit mahsulotlari, jismoniy shaxslar uchun esa «Avtokredit 2.0» taqdim etildi.

Bundan tashqari, xalqaro pul o‘tkazmalari imkoniyatlari ham sezilarli darajada kengaytirildi. Endilikda Kaspi.kz orqali Qozog‘istondan hamda E9PAY tizimi orqali Janubiy Koreyadan milliy HUMO va UZCARD kartalariga to‘g‘ridan-to‘g‘ri pul o‘tkazmalarini amalga oshirish imkoniyati mavjud.

Xalqaro hamkorlik va korrespondentlik tarmog‘i

Octobank chet ellik hamkorlar bilan tezkor va ishonchli hisob-kitoblarni ta’minlash maqsadida o‘z korrespondentlik tarmog‘ini kengaytirdi va quyidagi nufuzli moliya institutlarida yangi hisobvaraqlar ochdi:

●      DBS Bank (Singapur) — AQSh dollari (USD) va Xitoy yuani (CNH);

●      ICBC London — Xitoy yuani (CNH);

●      Yes Bank (Hindiston) — Hindiston rupiyasi (INR);

●      Bank of Asia (Qirg‘iziston) — Qirg‘iziston so‘mi (KGS);

●      Sohar International Bank (Ummon) — Ummon riali (OMR).

Nufuzli xalqaro va milliy e’tiroflar

Bankning raqamli transformatsiya yo‘lidagi yutuqlari dunyo hamjamiyati tomonidan ham yuqori baholandi. «Global Banking & Finance Awards 2026» talqiniga ko‘ra, Octobank birdaniga ikki yo‘nalishda — «Best Digital Bank Uzbekistan 2026» va «Best Bank for Treasury Activities Uzbekistan 2026» nominatsiyalarida g‘olib deb topildi.

Shuningdek, bank nufuzli «Global Recognition Award 2026» va «Strategic Banking Innovation 2026» mukofotlariga sazovor bo‘ldi. Milliy darajada esa, «Ahbor-Reyting» agentligi 2025 yil yakunlari bo‘yicha Octobank’ning kredit reytingini «Barqaror» prognozi bilan «uzA++» darajasiga ko‘tardi.

Investitsiya forumlari va ijtimoiy mas’uliyat

Yil boshidan buyon Octobank vakillari V Toshkent xalqaro investitsiya forumi, London City Week va Osiyo taraqqiyot banki (ADB) forumi kabi qator yirik xalqaro tadbirlarda ishtirok etdi. Uchrashuvlar yakunlari bo‘yicha StoneX Financial Ltd (London) bilan hamkorlik to‘g‘risida bosh kelishuv imzolandi hamda Euroclear tizimida kastodial hisobvaraq ochish ishlari boshlandi.

Shu bilan birga, bank PLUS Forum Digital Uzbekistan 2026 tadbirida titul homiy sifatida ishtirok etdi. Ijtimoiy sohada esa SOS O‘zbekiston Bolalar Mahallalari, Bolalar onkologiyasi va gematologiyasi markazi bemorlari hamda kam ta’minlangan oilalarni qo‘llab-quvvatlashga qaratilgan ko‘plab xayriya loyihalarini amalga oshirdi.

Joriy yilning 23 iyun kuni Octobank o‘z tashkil etilganining 25 yilligini nishonladi va kelgusida ham mijozlari va hamkorlari uchun eng zamonaviy, ishonchli va qulay moliyaviy yechimlarni taqdim etishda davom etadi.

Aloqa uchun ma’lumotlar:

Octobank Matbuot xizmati

Elektron pochta: [email protected]

Rasmiy veb-sayt: octobank.uz

Reklama huquqi asosida