Москванинг Пресненск суди Бобоқулованинг ҳибсга олинишини 29 августгача узайтирди.
ТАСС ахборот агентлигининг суддаги мухбирининг маълум қилишича, суд йиғилишида Бобоқулова йиғлаб юборган ва уни даволанишга ватани – Самарқандга юборишни сўраган.
Москвалик оиланинг уйида энага бўлиб ишлаган Бобоқулова ёш болани ваҳший ўлдиришда гумон қилиниб ҳибсга олинганди. Унга "Ёш боланинг қотиллиги" моддаси бўйича айблов қўйилган.
4 ёшли қизчанинг жасади 29 февралда ўз уйида ёнғин ўчирилгандан кейин топилган. Терговчиларнинг ўрнатишича, энага қизчанинг ота-онаси ва акаси кетишини пойлаб, қизчани ўлдирган, сўнгра уйга ўт қўйиб, воқеа жойидан кетган. Полициячилар Бобоқуловани ўша куни метро станцияларидан бири олдида қўлга олишган.
