Уч кун давом этган беллашувларда жамоалар саралаш, чорак финал, ярим финал баҳсларида ўз қобилиятларини намоён этишган бўлса, Бухоро Муҳандислик-технология институтида «Инсон камолотида ижтимоий муҳит муҳим» мавзусида ўтган финал беллашуви эса қизғин таассуротларга бой бўлди.
Турнирнинг якуний натижаларга кўра, Сурхондарё ва Хоразм вилояти жамоалари 1 ўрин, Тошкент вилояти 2 ўрин ҳамда Андижон вилояти жамоаси 3 ўрин ғолиби деб топилди. Улар диплом, статуэтка, қимматбаҳо эсдалик совғалари ҳамда «Камолот» кутубхонаси китоблари билан тақдирланишди.
Шунингдек, турнир давомида ўзининг юксак сўз санъатини намоён этган ҳамда чиройли ўйин кўрсатган 3 нафар энг яхши нотиқлар аниқланди. Қашқадарё вилояти жамоаси аъзоси Ҳамдамов Достон «Энг яхши 1-нотиқ», Фарғона вилоятидан Қурбонов Қиличбек «Энг яхши 2-нотиқ», Навоий вилояти жамоаси аъзоси Умрзоқова Нодира эса «Энг яхши 3-нотиқ» номинацияларига муносиб кўрилди.
