Нишаблиги 85 фоизни (40,4 даража) ташкил қилувчи ёнбағир юқорисига автомобилни швециялик пойгачи, DTM сериясининг 2 карра ғолиби ва WRX ралли-кросси бўйича жаҳон чемпиони Маттиас Экстрем олиб чиққан. Ушбу жараён видеоси YouTube’да жойлаштирилган.
Экстремал бошқарган автомобил Audi e-tron’нинг серияли версиясидан сезиларли фарқланади. Машинага учинчи электромотор ўрнатилган, у машинанинг умумий қувватини 503 от кучига етказган. Бундан ташқари, электрокар қия кўтарилишда тортиш кучини тақсимловчи махсус дастурий таъминот, махсус тишчали 19 дюймли ғилдираклар ва хавфсизлик каркаси билан жиҳозланган.
Audi e-tron Европада жорий январдан сотувга чиқди. Нархи 80 минг долларни ташкил қилувчи автомобил энг паст синфдаги аэродинамик қаршилик коэффициентига эга.
