El Tiempo нашрининг хабар беришича, бензовоз трассадан чиқиб кетиб, ағдарилиб кетган. Маҳаллий аҳоли вазиятдан фойдаланишга уриниб, бензовоздаги ёнилғини идишларга қуйиб олишга тушиб кетган. Воқеа жойига келган полициячилар уларга қаршилик кўрсатмаган.
Лаҳзалардан бирида портлаш содир бўлган ва машина олдида тўпланиб турган одамлар ўт ичида қолган. Воқеа оқибатида камида 10 киши ҳалок бўлган, яна бир неча киши жароҳат олган. Таъкидланишича, жабрланганлардан бир қисми оғир аҳволда.
Шунга ўхшаш воқеа 2019 йилда Танзанияда юз берган. Ўшанда ёнилғи цистернасининг портлаши 57 кишининг ўлимига олиб келган.
