“Алпомиш мероси” МЧЖ томонидан 10 та “Asiastar” ва 10 та “Isuzu” русумли автобуслар олиб келинди. Корхона томонидан навбатдаги босқичда яна 120 та автобуслар олиб келиш режалаштирилган.
Корхона томонидан олиб келинган янги автобуслар Андижон шаҳрининг 1 – сонли “Вилоят ИИБ ЙҲХБ – Марказий шаҳар шифохонаси” йўналишида йўловчиларга хизмат кўрсатишни бошлади.
Шунингдек, Андижон шаҳридаги 22-сонли йўналишли такси “Пистамозор – Марказий шаҳар шифохонаси” йўналишида автобуслар қатнови йўлга қўйилди.
Автобусларнинг йўл кира нархлари 1 000 сўмни ташкил этмоқда. Бекатларга келиш вақти 8-10 дақиқани ташкил этмоқда.
Бундан ташқари, автобуслар замонавий кўринишга эга бўлиб, совуткичлар, камералар ва бошқа қулайликларга эга.
Абдували Қурбонов, Kun.uz мухбири
Тасвирчи ва монтажчи – Жаҳонгир Маҳмудов.
