Маълум қилинишича, вилоят ИИБ ходимлари томонидан Олот туманида “Қорадори-2021” тезкор профилактик тадбири ўтказилган. Туманнинг Халифа маҳалласида яшовчи, 1966 йилда туғилган Ж.А.нинг яшаш уйида терговга қадар текширув ҳаракатлари олиб борилганида, ушбу фуқаро хонадоннинг ётоқхонаси поли остида 117.96 грамм марихуана гиёҳванд моддасини қонунга хилоф равишда сақлаб келаётгани аниқланган.
Ҳолат юзасидан Ж.А.га нисбатан Жиноят кодексининг 276-моддаси 2-қисми “а” банди билан жиноят иши қўзғатилиб, тергов ҳаракатлари олиб борилмоқда.
Олдинроқ Ғиждувон туманида ҳам кўп миқдорда гиёҳванд модда сақлаб келган фуқаро қўлга олинганди.
