Ҳосписларда оғир гематологик, онкологик ва клиник иммунологик касалликлари бор беморларга паллиатив ёрдам кўрсатилади.
Давлат дастури лойиҳасига кўра, ҳосписларни ташкил этиш, уларнинг моддий-техник базасини мустаҳкамлаш ва фаолиятига доимий кўмаклашиш лойиҳалари учун Олий Мажлис ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан грантлар эълон қилиб бориш ва молиялаштириш амалиёти йўлга қўйилиши кутилмоқда.
Бу вазифа ижросини Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимларига юклатиш таклиф этилган.
