Uzbekistan Airports АЖ Тошкент халқаро аэропортида ноқулай об-ҳаво шароити (туман) туфайли ҳаво кемаларини қабул қилишга чекловлар жорий этилганини маълум қилди.

Қайд этилишича, Самарқанддаги муқобил аэродромга қуйидаги рейслар йўналтирилган:

  • Silk Avia авиакомпаниясининг Фарғона — Тошкент йўналиши бўйича US402;
  • Uzbekistan Airports авиакомпаниясининг Бишкек — Тошкент йўналиши бўйича HY778;
  • UTair авиакомпаниясининг Сургут — Тошкент йўналиши бўйича UTA-709;
  • Centrum Air авиакомпаниясининг Дубай — Тошкент йўналиши бўйича MFX-352.

Шунингдек, Uzbekistan Airports авиакомпаниясининг Грозний — Тошкент йўналиши бўйича HY9702 рейси Бухородаги муқобил аэродромга йўналтирилган.

Эслатиб ўтамиз, 25 ноябр куни Фарғона аэропортида ҳаво кемаларини қабул қилишга вақтинчалик чекловлар жорий этилганди. Ўшанда Uzbekistan Airports авиакомпаниясининг Истанбул — Фарғона йўналишидаги рейси Наманган муқобил аэропортига йўналтирилган.