Чэнду шаҳрида жойлашган Хитой Электрон фанлар ва технологиялар университети математика ва информатика бўйича CWTS Leiden Ranking рейтингида биринчи ўринни эгаллади. Шу билан бирга, Хитойда бўлмаган еттита муассаса энг яхши 50 таликка кирди.
Хитой университетлари физика ва муҳандислик соҳаларида ҳам устунлик қиляпти. Йигирма тўртта Хитой институти топ-25 га кирди. Токио университети (Япония) 24-ўринни эгаллади. Хитойда бўлмаган олтита олий ўқув юрти энг яхши 50 та университет қаторига кирди.
Илм-фаннинг барча соҳалари, жумладан, тиббиёт, гуманитар ва ер ҳақидаги фанларни ҳисобга олган ҳолда, Хитойнинг 16 университети топ-25 га кирди. Чжэцзян университети биринчи ўринни эгаллади.
CWTS Leiden Ranking рейтинги Лейден университети (Нидерландия) Фан ва технология тадқиқотлари маркази томонидан нашр этилган. Рейтинг турли кўрсаткичларни, жумладан, илмий таъсирни таҳлил қилади. Бунда олимлар нашрларининг сифати ва миқдори, шунингдек, улардан иқтибос келтириш даражаси ҳисобга олинади. Бу соҳада Хитой устунлик қилади. Рейтинг 2024 йилда тузилган ва 2019 йилдан 2022 йилгача бўлган даврни ҳисобга олган.
