O‘zbekistondagi eng keksa gumanitar tashkilot bo‘lmish Qizil yarim oy jamiyati bugun 90 yillik yubileyini nishonlamoqda. Jamiyatning asosiy prinsiplari insonparvarlik, xolislik, neytrallik, mustaqillik, ko‘ngillilik, birlik va universallikdir.
Jamiyatning filiallari O‘zbekistonning barcha hududlarida faoliyat yuritadi. 191 tuman va shahar tashkilotiga, 2.5 ming boshlang‘ich tashkilotga ega. Jamiyatning 1.3 mln dan ortiq erkin a'zosi va 28 ming ko‘ngillisi bor.
Jamiyat strukturasida 4 mintaqaviy tibbiy-ijtimoiy markaz bo‘lib, ular Toshkent, Samarqand, Buxoro va Farg‘onada ish yuritmoqda. Ularning vazifasi ijtimoiy himoyalanmagan aholi qatlamlariga, shu jumladan, keksa nafaqaxo‘rlar va nogironlarga tibbiy yordam ko‘rsatishdir. Har bir markaz har kuni bunday insonlarning 30 nafarini qabul qila oladi.
Oxirgi 5 yil mobaynida jamiyatdan O‘zbekistonning 20 ming fuqarosi moddiy yordam oldi.