Ukraina IIV rahbari Arsen Avakovning ma'lum qilishicha, agarda Ukraina hukumati gazga tariflarni 35 foizga oshirsa, «xalq hukumatni to‘ntarib tashlaydi». Bu haqda Liga.net xabar bermoqda.
«Ko‘plab xatolar bor. Masalan, XVJ bilan o‘zaro aloqalar, u bizga gazga tariflarni 35 foizga oshirishni taklif etmoqda. Men shunday demoqdaman: ha, albatta, oshirish-ku mumkin. Biroq Ukraina xalqi darhol oyoqqa turadi, hukumatni to‘ntarib tashlaydi. Bundan keyin esa populistlar uchun ovoz beradi, ular yana barini ortga qaytarib qo‘yadi. Hurmatli hamkasblar, siz shularni xohlaysizmi? Men diplomat emasman, shuning uchun eng yuqori darajada to‘g‘ridan to‘g‘ri gapirishim mumkin», - dedi Avakov.
Eslatib o‘tamiz, avvalroq Ukraina Oliy radasi xalq deputati Yevgeniy Murayev mamlakat to‘rt yil davomida «juda katta bildirilgan ishonchni» yo‘qotgani haqida xabar bergandi.
