Federal ochiq bozor qo‘mitasi tomonidan avgust oyida qabul qilingan ma'lumotlardan ma'lum bo‘lishicha, AQShda mehnat bozori tobora mustahkamlanib bormoqda va iqtisodiy faollik kuchli sur'atlarda o‘smoqda.
Mehnatga layoqatli fuqarolarning oxirgi oylarda sezilarli faolligi pasaygan. 12 oylik muddat ichida oziq-ovqat va energiya mahsulotlaridan tashqari jami inflyatsiya darajasi 2 foiz atrofida saqlanib kelinmoqda.
Qo‘mita o‘zining qonuniy vakolatlariga muvofiq, aholini maksimal ish bilan ta'minlash va narx barqarorligiga erishishni o‘ylaydi.
Shularni inobatga olib, AQSh Markaziy banki (Federal reserve system - FZT) qayta moliyalashtirish stavkasini 2 foizdan 2,25 foizga oshirdi. Muassasa rahbari boshqaruvi raisi Jyerom Pauellning fikricha, risklarni kamaytirishning eng maqbul yechimi bu - foiz stavkalarini ohista oshirib borishdir.
2018 yil boshida 1,5 foiz ko‘rsatkichda bo‘lgan FZT foiz stavkasi hozirgacha 3 marta oshirildi. O‘zbekistonlik moliyachi Berdibek Axmedovning ta'kidlashicha, ushbu foiz stavkalari keyingi bir necha oy mobaynida 3 foizgacha ko‘tarilishi kutilmoqda.
«To‘rt yil oldin u bank foiz stavkasini 0.25 foizda ushlab turganida, obligatsiyalarning ham foiz stavkasi juda pasayib ketgan edi», deydi u.
