Malayziya fuqaro aviatsiyasi boshqarmasi (CAAM) Efiopiyadagi aviahalokatdan so‘ng mamlakat hududida Boeing 737 MAX 8 samolyotlaridan foydalanishni vaqtinchalik to‘xtatdi, deb xabar berdi Star gazetasi.
"CAAM Malayziyadan hamda Malayziya orqali tranzit reyslarini amalga oshiradigan Boeing 737 MAX 8 samolyotlaridan foydalanishni zudlik bilan vaqtinchalik to‘xtatadi", - dedi boshqarma rahbari Ahmad Nizar Zulkafar.
Uning qayd etishicha, mamlakatdagi hech qaysi aviakompaniya ushbu rusumdagi samolyotlardan foydalanmaydi.
Yakshanba kuni Ethiopian Airlines aviakompaniyasining Addis-Abebadan Nayrobiga parvozni bajarish vaqtida Boeing 737 samolyoti halokatga uchradi.
Efiopiyadagi fojiadan so‘ng Xitoy, Indoneziya, Vetnam va Singapur Boeing 737 MAX 8 samolyotlaridan foydalanishni vaqtinchalik to‘xtatib turishlarini ma'lum qildi.