Foto: Stephen Hird/Reuters
AQShda xato sudlangan ikki nafar mahbus 42 yillik qamoq jazosidan keyin ozodlikka chiqarildi. Bu haqda CBS telekanali xabar berdi.
1976 yilda 34 yoshli Klifford Uilyams va uning jiyani 18 yoshli Xubert Mayyers Floridada umrbod qamoq jazosiga hukm qilingan. Ular qotillik va suiqasdda bosh gumonlanuvchilar bo‘lishgan.
Biroq ularga chiqarilgan jazo hukmlari sud tomonidan chiqarilgan qarorlarni tekshiruvchi bo‘lim faoliyati tufayli bekor qilindi.
Tergov ma'lumotlariga ko‘ra, yuqoridagi jinoyatlar uchun javobgarlikni 1994 yilda vafot etgan boshqa bir kishi o‘z zimmasiga olgan bo‘lgan.
