15:49 / 05.04.2019
5259
AQSh Xalqaro jinoyat sudi prokuroriga berilgan vizani bekor qildi
Foto: Bas Czerwinski/Pool via AP

AQSh Xalqaro jinoyat sudi prokurori Fatu Bensudaga berilgan vizani bekor qildi. Bu haqda AFP agentligi xabar berdi.

Agentlikning bildirishicha, mazkur qaror prokuraturaning Afg‘onistondagi vaziyatni o‘rganishi munosabati bilan qabul qilingan.  

Avvalroq AQSh davlat kotibi Maykl Pompeo Qo‘shma Shtatlar Xalqaro jinoyat sudi xodimlariga viza berishda cheklovlar joriy etilishini ma'lum qilgandi. Bunga prokuraturaning 2017 yilda Afg‘onistondagi vaziyatni o‘rganish to‘g‘risidagi qarori sabab bo‘lgan. Prokurorning so‘zlariga ko‘ra, AQSh harbiylari Afg‘onistonda, MRB xodimlari esa Polsha, Litva va Ruminiyadagi maxfiy qamoqxonalarda insoniyatga qarshi jinoyatlar sodir etishgan deyish uchun asoslar bor.

Xalqaro jinoyat sudi BMT tizimiga kirmaydi, ammo tashkilot bilan izchil aloqaga ega, prokuror esa Xavfsizlik kengashi a'zolari oldida muntazam chiqishlar qiladi.

Top